ലോകമയക്കുമരുന്ന് വിരുദ്ധദിനം

ലോകമയക്കുമരുന്ന് വിരുദ്ധദിനം

ലോകമയക്കുമരുന്ന് വിരുദ്ധദിനമായ 26-06-2012 ന് വിവിധ ക്ലബുകളുടെ ആഭിമുഖ്യത്തില്‍ സ്കൂളില്‍ സ്പെഷ്യല്‍ അസംബ്ലി സംഘടിപ്പിക്കുകയും ഹെല്‍ത്ത് ക്ലബ് കണ്‍വീനറായ ശ്രീ. യശ്പാല്‍സാര്‍ കുട്ടികള്‍ക്ക് ഒരു ബോധവല്‍കരണ ക്ലാസ് എടുക്കുകയും ചെയ്തു. ഇന്ന് സമൂഹത്തില്‍ ,പ്രത്യേകിച്ചും സ്കൂള്‍ കുട്ടികളില്‍ പടര്‍ന്ന് കയറുന്ന മയക്കുമരുന്നിന്റെ ദോഷവശങ്ങളും അതുമൂലമുണ്ടാകുന്ന അസുഖങ്ങളെക്കുറിച്ചും അദ്ദേഹം പകര്‍ന്ന് കൊടുത്ത അറിവ് കുട്ടികള്‍ക്ക് മാത്രമല്ല ,അവിടെ സന്നിഹിതരായിരുന്ന രക്ഷിതാക്കള്‍ക്കും പ്രയോജനപ്രദമായിരുന്നു.

ഉച്ചയ്ക്ക് 1.30 മുതല്‍ വിവിധ ക്ലബുകളിലെ അംഗങ്ങള്‍ പങ്കെടുത്ത മയക്കുമരുന്ന് വിരുദ്ധ ബോധവത്കരണ ലഘുനാടകം ആഡിറ്റോറിയത്തില്‍ അവതരിപ്പിച്ചു. തുടര്‍ന്ന് HM ശ്രീമതി. P.ഇന്ദിരാദേവി അമ്മ കുട്ടികള്‍ക്ക് പ്രതിജ്ഞാ വാചകം ചൊല്ലികൊടുത്തു.