പരിസ്ഥിതിദിനം

Govt.MHS Nadayaraയില്‍ പ്രത്യേക അസംബ്ലിയില്‍ പരിസ്ഥിതിദിന പ്രതിജ്ഞ നടന്നു. ഹെഡ്‌മിസ്ട്രെസ് ശ്രീമതി. L.ഉഷദേവി,P.T.A പ്രസിഡന്റ് ശ്രീ.സജീവ്‌,S.M.C ചെയര്‍മാന്‍ ശ്രീ.M.A.സത്താര്‍ എന്നിവര്‍ പരിസ്ഥിതിദിനത്തിന്‍റെ പ്രാധാന്യത്തെക്കുറിച്ച് പറഞ്ഞു.സ്കൂള്‍ പരിസരത്ത് ഫലവൃക്ഷത്തൈകള്‍ നടുന്നതിന്റെ ഉദ്ഘാടനം S.M.C ചെയര്‍മാന്‍ ശ്രീ.M.A.സത്താര്‍ നിര്‍വഹിച്ചു.തുടര്‍ന്ന് ഇകോ-ക്ലബിന്‍റെ നേതൃത്വത്തില്‍ സ്കൂള്‍ കോമ്പൌണ്ടില്‍ കുട്ടികള്‍ വൃക്ഷത്തൈകള്‍ നട്ടു.

പ്രവേശനോല്സവം-2014

Govt.MHS Nadayaraലെ 2014-15 വര്‍ഷത്തെ പ്രവേശനോല്‍സവംവര്‍ക്കല മുനി.കൌണ്‍സിലര്‍ ശ്രീമതി.ബിന്ദു ശശീന്ദ്രന്‍ അക്ഷരദീപം തെളിയിച്ച് ഉദ്ഘാടനം ചെയ്തു.ചടങ്ങില്‍ ഹെഡ്‌മിസ്ട്രെസ് ശ്രീമതി. L.ഉഷദേവി,P.T.A പ്രസിഡന്റ് ശ്രീ.സജീവ്‌,S.M.C ചെയര്‍മാന്‍ ശ്രീ.M.A.സത്താര്‍,സീനിയര്‍ ടീച്ചര്‍ ശ്രീമതി.A. ഷീബ,സ്റ്റാഫ്‌ സെക്രടറി ശ്രീ.M.പവിത്രന്‍ എന്നിവര്‍ പ്രസംഗിച്ചു.

യൂണിഫോം വിതരണോദ്ഘാടനം

Govt.MHS Nadayaraലെ യൂണിഫോം വിതരണോദ്ഘാടനം വര്‍ക്കല മുനി.കൌണ്‍സിലര്‍ ശ്രീമതി.ബിന്ദു ശശീന്ദ്രന്‍ നിര്‍വഹിച്ചു.ഹെഡ്‌മിസ്ട്രെസ് ശ്രീമതി. L.ഉഷദേവി,P.T.A പ്രസിഡന്റ് ശ്രീ.സജീവ്‌,S.M.C ചെയര്‍മാന്‍ ശ്രീ.M.A.സത്താര്‍ എന്നിവര്‍ പ്രസംഗിച്ചു

കവിതാ മത്സരവിജയി

തിരുവനന്തപുരം ജില്ലാ ലൈബ്രറി കൌണ്‍സില്‍ സംഘടിപ്പിച്ച ജില്ലാ തല കവിതാ മത്സരത്തില്‍ വിജയിയായ ശ്രീ.ഡി.പ്രിയദര്‍ശനന്‍(Govt.MHS Nadayara).

      ദൈവായനം

തൊഴിലിന്നുഴന്ന നാള്‍

തൊഴുത ക്ഷേത്രങ്ങളില്‍

പ്രണയ നിഷ്കാസിത

വിഷാദ മദ്യങ്ങളില്‍

വിലപേശി നേടിയ

വിവാഹ ഘോഷത്തില്‍

കൈക്കൂലി കിട്ടിയ

പണപ്പെരുപ്പത്തില്‍

പല തവണ നീന്തിയ

കൂട്ട രതികളില്‍

വാള്‍ പിടിച്ചെത്തിയ

പ്രതിഷേധഘോഷത്തി-

ലെല്ലാമെനിക്കു തുണയായി-

ദൈവങ്ങള്‍- എന്തിനും പോരുന്ന

അശ്വൈക ശക്തികള്‍.

മാസ്മര മണമുള്ള

പണമുള്ള സഞ്ചികള്‍

ആള്‍ദൈവ ദൂതര്‍ക്ക്

കൈമാറിയെത്രയോ.

വഴിവിട്ട വഴികളില്‍

വാതുറന്നുറങ്ങവേ

രാവിലരികില്‍ ഭാര്യ

ഏകാന്ത,വിധവയായ്‌

പകലിലെന്‍ മക്കള്‍ക്ക്

പട്ടിണിയുറക്കം

രാവിലവര്‍ക്ക് രോഗ നിര്‍വാണം.

നിലവിട്ടൊരമ്മതന്‍

നിലവിളികളൊക്കെയും

നേര്‍ച്ചക്കടങ്ങളായി-

രുമുടി മുറുക്കി.

കൂട്ടത്തില്‍ കൂട്ടുകാര്‍

സമന്മാര്‍ ചിലപ്പോള്‍

ഭൃത്യരായ് ദാസരായ്

കീശകളില്‍ നോക്കി

പകലുകളിഴഞ്ഞ വഴി

രാവുകള്‍ കൊഴിഞ്ഞ വഴി

കാലം കലണ്ടറായ്

താളുകള്‍ കീറവേ

നോവുകൊല്ലിഗുളിക

നിര്‍ജീവമാകുന്ന

വേദനയെല്ലില്‍ സിര-

കളില്‍ സന്ധിയില്‍

ആള്‍ദൈവ ബുദ്ധികള്‍

അജ്ഞാത സിദ്ധികള്‍

ആകയും കൊയ്തു.

കൊഴുത്തു കിഴികളും

ഔഷധത്തിന്റെ പരിമിതി

പറഞ്ഞിട്ട് അപ്പോത്തി-

ക്കിരിമാരും കൈമലര്‍ത്തേ

ഒറ്റപ്രതീക്ഷയിലറ്റ-

ശ്വാസത്തിനായ് കണ്ണിമയ്ക്കാതെ

കിടന്നനേരം- കേട്ടുവോ

തെരുവില്‍ മനുഷ്യദൈവത്തിന്‍റെ

അറുപത്തിനാലാം ജയന്തിഘോഷം!

മിഴികളിലാരോ ‘കരിം’തുണി

മൂടവേ- വിരലുകളാരോ

പിണച്ചു കെട്ടീടവെ

മുപ്പത്തി മുക്കോടി ദേവര്‍ക്കു-

വേണ്ടിയൊരതിരാത്ര

വേദിക്കു പന്തല്‍ നാട്ടി.

പ്രഭാത ഭക്ഷണ പരിപാടി---ഉദ്ഘാടനം

10.01.2014 വെള്ളിയാഴ്ച രാവിലെ 9 മണിയ്ക്ക് Govt.MHS Nadayaraയില്‍ പ്രൈമറി സ്കൂള്‍ വിദ്യാര്‍ഥികള്‍ക്കുള്ള പ്രഭാത ഭക്ഷണ പരിപാടിയുടെ വര്‍ക്കല നിയോജകമണ്ഡല തല ഉദ്ഘാടനം ശ്രീ.വര്‍ക്കല കഹാര്‍ എം.എല്‍.എ. നിര്‍വഹിച്ചു.ചടങ്ങില്‍ വര്‍ക്കല മുനി.ചെയര്‍മാന്‍ ശ്രീ.K.സൂര്യപ്രകാശ് അധ്യക്ഷനായിരുന്നു. ഹെഡ്മിസ്ട്രെസ്സ് ശ്രീമതി .L.ഉഷാദേവി സ്വാഗതം പറഞ്ഞു.പ്രഭാത ഭക്ഷണ പരിപാടിയുടെ കോ-ഓര്‍ഡിനേറ്റര്‍ ശ്രീ.വര്‍ക്കല സജീവ്‌ ആമുഖപ്രസംഗം നടത്തി.ചെമ്മരുതി പഞ്ചായത്ത്‌ പ്രസിഡണ്ട്‌ ശ്രീമതി.ശശീന്ദ്ര , കൌണ്‍സിലര്‍മാരായ ബിന്ദു ശശീന്ദ്രന്‍,ബേബി ഗിരിജ,വര്‍ക്കല BPO ശ്രീ.സതികുമാര്‍,GHSS Vettoor ഹെഡ്മിസ്ട്രെസ്സ് ശ്രീമതി.C.ഗീത,LPGS വര്‍ക്കല ഹെഡ്‌മാസ്റ്റര്‍ ശ്രീ.ശ്രീലാല്‍,  HM ഫോറം സെക്രടറി ശ്രീ.സുനില്‍,     മുന്‍. ഹെഡ്മിസ്ട്രെസ്സ് ശ്രീമതി.P.ഇന്ദിരദേവി അമ്മ, SMC ചെയര്‍മാന്‍ MA.സത്താര്‍, .PTA പ്രസിഡണ്ട്‌ സജീവ്‌, സ്റ്റാഫ്‌ സെക്രട്ടറി എം.പവിത്രന്‍,ശ്രീ.ശിവദാസന്‍ എന്നിവര്‍ ചടങ്ങില്‍ സന്നിഹിതരായിരുന്നു. റിസപ്ഷന്‍ കമ്മിറ്റി കണ്‍വീനര്‍ ശ്രീ.ക്യാപ്റ്റന്‍ ഗോപിനാഥന്‍ നന്ദിയും പറഞ്ഞു.

       തുടര്‍ന്ന്‍ എല്ലാവരും കുട്ടികളോടൊപ്പം പ്രഭാതഭക്ഷണം കഴിച്ചു.

കവിത

           ജനാധിപത്യം

നിറയെത്താമാര പൂത്തതടാക-

ക്കരയിലൊരാല്‍ മരമുണ്ടല്ലോ

അതിന്‍റെ ചില്ലയിലൊരു ചെറു-

കിളിയുടെയരുമക്കൂടൊന്നുണ്ടല്ലോ

എന്നും പതിവായെത്താറുണ്ടോ

രരയന്നം പൂം പൊയ്കയതില്‍

പരിചിതരാണക്കിളിയും-

ഹംസവുമുരിയടാറുണ്ടതുകാലം.

ഒരുനാള്‍ ഹംസം പറയുകയാണീ

സൗഹൃദമകലും വൈകാതെ

മുന്നേപ്പോലാച്ചങ്ങാതീടൊരു

തമാശയെന്നേ കിളിയോര്‍ത്തു.

ഗൌരവമൊട്ടും വെടിയാതെ

വായാടിത്തം പറയാതെ

ഹംസം ചൊല്ലീ- “കളിയല്ല”.

വില്‍ക്കുകയാണവര്‍ വിദേശികള്‍ക്കീ-

കുളിരും കുളവും കുളിര്‍കാറ്റും.

തരിച്ചുപോയീ കിളിയൊരു

നിമിഷം കൂട്ടിലെ മുട്ടയെ ഓര്‍ത്തിട്ടോ.

മൌനം മുറ്റിയ സായാഹ്നത്തില്‍

ചിറകുകള്‍ വീശീ കളഹംസം.

നേരം നുള്ളി വെളുത്തപ്പോള്‍

നേരാം കണ്ണുതുറന്നപ്പോള്‍

ചിരിച്ചതില്ലാ താമരമലരുകള്‍

ചരിച്ചതില്ലതില്‍ ജലജീവി.

കണ്ടൂ ചിറയുടെ ചിറ്റോളത്തില്‍

മുട്ടത്തോടും ചെറുകിളിയും

പുണര്‍ന്ന പോലെ കിടക്കുന്നു

ഉറക്കമുണരാതൊരുനാളും.

                                     ഡി.പ്രിയദര്‍ശനന്‍

                                      ജി.എം.എച്ച്.എസ്.നടയറ.

                                      9495039342

സ്കൂളിന്‍റെ പ്രവേശനകവാടം ഉദ്ഘാടനം

06.01.2014ല്‍ Govt.MHS Nadayaraയില്‍ സ്കൂളിന്‍റെ പ്രവേശനകവാടം വര്‍ക്കല മുനി.ചെയര്‍മാന്‍ ശ്രീ.K. സൂര്യപ്രകാശ് ഉദ്ഘാടനംചെയ്തു.ചടങ്ങില്‍ ഹെഡ്മിസ്ട്രെസ്സ് ശ്രീമതി .L.ഉഷാദേവി സ്വാഗതംചെയ്‌തു.വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ വര്‍ക്കല സജീവ്‌ മുഖ്യപ്രഭാഷണം നടത്തി.കൌണ്‍സിലര്‍മാരായ ബിന്ദു ശശീന്ദ്രന്‍,ബേബി ഗിരിജ,ഷാജി,SMC ചെയര്‍മാന്‍ MA.സത്താര്‍,പ്രവേശനകവാടം പണികഴിപ്പിച്ച ഷാജി മനാഫ്‌,സ്റ്റാഫ്‌ സെക്രട്ടറി എം.പവിത്രന്‍ എന്നിവര്‍ പ്രസംഗിച്ചു.PTA പ്രസിഡണ്ട്‌ സജീവ്‌ നന്ദിയും രേഖപ്പെടുത്തി